ہمدردی

ٹہنی پہ کسی شجر کی تنہا
بُلبل تھا کوئی اُداس بیٹھا

کہتا تھا کہ رات سر پہ آئی
اُڑنے چُگنے میں دن گزارا

پہنچوں کِس طرح آشیاں تک
ہر چیز پہ چھا گیا اندھیرا

سُن کر بُلبل کی آہ و زاری
جُگنو کوئی پاس ہی سے بولا

حاضر ہُوں مدد کو جان و دل سے
کِیڑا ہوں اگرچہ مَیں ذرا سا

کیا غم ہے جو رات ہے اندھیری
مَیں راہ میں روشنی کروں گا

اللہ نے دی ہے مجھ کو مشعل
چمکا کے مجھے دِیا بنایا

ہیں لوگ وہی جہاں میں اچھّے
آتے ہیں جو کام دوسرں کے

Tehni Pe Kisi Shajar Ki Tanha
 Bulbul Tha Koi Udas Baitha
 
 Kehta Tha Ke Raat Ser Pe Aayi
 Urne Chugne Mein Din Guzra
 
 Pohenchun Kis Tarah Aashiyan Tak
 Her Cheez Pe Cha Gya Andhera
 
 Sun Kar Bulbul Ki Aah-O-Zari
 Jugnu Koi Pas Hi Se Bola
 
 Hazir Hun Madad Ko Jaan O Dil Se
 Keera Hun Agarche Mein Zara Sa
 
 Kya Gham Hai Jo Raat Hai Andheri
 Main Rah Mein Roshani Karon Ga
 
 Allah Ne Di Hai Mujh Ko Mishal
 Chamka Ke Mujhay Diya Banaya
 
 Hain Log Wohi Jahan Mein Ache
 Aate Hain Jo Kaam Dusron Ke